hollvinir

Hollvinir færa skurðlækningadeild göngugrindur

Thu, 19 Mar 2026 09:12:22 GMT

The body content of your post goes here. To edit this text, click on it and delete this default text and start typing your own or paste your own from a different source.

Hollvinir færa lyflækningadeild fjármuni til minningar um Sólveigu Huldu Valgeirsdóttur

Tue, 17 Mar 2026 09:32:31 GMT

The body content of your post goes here. To edit this text, click on it and delete this default text and start typing your own or paste your own from a different source.

Vel heppnaður dagur sjúkrahússins

Mon, 08 Dec 2025 10:46:44 GMT

Við þökkum þeim fjölmörgu sem mættu á Dag sjúkrahússins á Glerártorgi um helgina, þá ekki síst þeim sem skráðu sig sem Hollvini. Við hvetjum öll sem geta til þess að gerast hollvinir, en árgjaldið er 6.000 kr. Hér er hægt að skrá sig: https://www.hollvinir.is/services

Dagur sjúkrahússins

Wed, 26 Nov 2025 11:16:28 GMT

Hollvinasamtök Sjúkrahússins á Akureyri (SAk) ásamt starfsfólki sjúkrahússins standa fyrir hátíð á Glerártorgi laugardaginn 6. desember kl. 13-15.

Starfsfólk Sak býður upp á mælingu á blóðþrýstingi, súrefnismettun og púlsi. Félagsmenn í Hollvinasamtökunum kynna starfsemi sína og skrá nýja félaga.

Smáfólkinu býðst að koma með bangsa eða dúkkur í læknisskoðun.

Mætum og gerumst Hollvinir!

Hollvinir SAk færa lyflækningadeild húsgögn

Mon, 24 Nov 2025 12:14:35 GMT

Hollvinir Sjúkrahússins á Akureyri hafa fært legudeild Sjúkrahússins á Akureyri stóla og sófa að gjöf. Sjúkrahúsið á Akureyri hefur farið af stað með verkefnið „Hreyfum okkur“ sem miðar að því að bæta aðstæður og hvetja sjúklinga til þess að hreyfa sig innan sjúkrahússins. Hollvinir hafa því fært deildinni stóla, sem hjálpa til við að bæta aðstæður fólks til hreyfingar. Hollvinir færðu legudeild einnig sófa sem gefur starfsfólki kost á því að hvíla lúin bein í amstri dagsins og ekki síður nótta.

Hollvinir færa dag- og göngudeild skurðlækninga nýja gipssög

Wed, 12 Nov 2025 15:49:28 GMT

Hollvinir Sjúkrahússins á Akureyri hafa fært dag- og göngudeild skurðlækna nýja gipssög.

Sögin sem var fyrir var komin vel til ára sinna og var bæði hávær og óþjál í notkun. Gipssagir eru sérhannaðar til að saga eingöngu gifs án þess að særa húð. Nýja sögin er mun léttari, hljóðlátari og þjálari í notkun en sú gamla og léttir því störf hjúkrunarfræðinga á deildinni og gerir vonandi upplifun þjónustuþega deildarinnar af gipstöku betri. Við erum Hollvinum ákaflega þakklát fyrir að hafa veitt okkur þessa rausnarlegu gjöf.“ segja Þórgunnur Birgisdóttir, deildarstjóri dag- og göngudeildar skurðlækninga, og Eydís Unnur Jóhannsdóttir, hjúkrunarfræðingur á dag- og göngudeild skurðlækninga.

Hvetjum fólk til að gerast hollvinir

„Það er alltaf jafn gleðilegt að geta fært deildum sjúkrahússins tækjabúnað sem bætir þjónustu við sjúklinga og starfsaðstæður starfsfólks“ segir Jóhannes Bjarnason, formaður Hollvina og bætir við „Við þurfum á því að halda að starfsemi Hollvina eflist og að Hollvinir greiði þá greiðsluseðla sem berast í heimabanka, enda er það þannig sem við getum haldið áfram að veita gjafir sem þessar.“

Framlag Hollvina skiptir SAk sköpum

Það er áhugavert að hafa það í huga að á síðasta ári afhentu Hollvinir Sjúkrahúsinu á Akureyri gjafir að verðmæti 62 m.kr. en fjárfestingaheimild SAk á fjárlögum á því ári var 200,6 m.kr. Gjafir Hollvina námu því um 31% af framlagi ríkisins til fjárfestinga árið 2024. „Framlag Hollvina skiptir SAk einfaldlega sköpum, sem og framlag annarra aðila í samfélaginu til sjúkrahússins. Það er hreinlega óhugsandi að sjá fyrir sér stöðu tækjabúnaðar á sjúkrahúsinu ef ekki kæmi til gjafa frá utanaðkomandi aðilum.“ segir Konráð Gylfason, framkvæmdastjóri rekstrar og klínískrar stoðþjónustu.

Smellið hér til að gerast Hollvinur

Aðalfundur Hollvinasamtaka

Fri, 19 Sep 2025 13:44:37 GMT

Hollvinir komu færandi hendi á endurhæfingardeildina á Kristnesi

Fri, 11 Jul 2025 11:04:29 GMT

Gleðistund á endurhæfingardeild. Frá vinstri: Kristín Margrét Gylfadóttir, þjónustustjóri endurhæfingar- og öldrunarlækningaþjónustu, Hermann Haraldsson, stjórnarmaður í Hollvinasamtökunum, Jóhannes Gunnar Bjarnason, formaður Hollvina, og stjórnarmaðurinn Jóhann Rúnar Sigurðsson ásamt afastráknum Emil Óla Evertssyni. Mynd af vef SAk

Hollvinir Sjúkrahússins á Akureyri komu enn einu sinni færandi hendi á stofnunina á dögunum, að þessu sinni á endurhæfingardeildina í Kristnesi í Eyjafjarðarsveit.

„Markmið Hollvina SAk er að styðja og styrkja starfsemi sjúkrahússins, meðal annars með því að vekja athygli á mikilvægi hennar og standa fyrir fjáröflun í samráði við framkvæmdastjórn. Með þessu framlagi sýna Hollvinir enn á ný hve mikils virði þeirra framlag er,“ segir í tilkynningu á vef SAk.

Að þessu sinni afhentu Hollvinir, segir í tilkynningunni:

Þrjá hægindastóla sem nýtast við vax- og hitameðferð í iðjuþjálfun, þar sem slökun og mýking eru mikilvægir þættir í meðferð við t.d. gigtarverkjum og stirðleika.

Tvær spjaldtölvur af flottustu gerð, sem verða notaðar við þjálfun og fræðslu í sjúkra- og iðjuþjálfun.

Ýmiss konar minni þjálfunarbúnað sem gefur kost á að auka fjölbreytni í þjálfun.

„Við hjá SAk erum afar þakklát fyrir þennan mikilvæga stuðning sem nýtist beint í þágu skjólstæðinga okkar og eflir faglega þjónustu á endurhæfingardeildinni,“ segir á vef sjúkrahússins.

Hollvinir færa legudeild geðdeildar húsgögn

Mon, 27 Jan 2025 10:49:10 GMT

Mikilvægt að huga að viðeigandi aðbúnaði og umhverfi innan geðheilbrigðisþjónustunnar.

Hollvinir færðu á dögunum legudeild geðdeildar rausnarlegar gjafir í formi húsgagna. Þegar höfðu borist stólar og borð inn í viðtalsherbergin, stofuborð í dagstofu, tveir lazyboystólar í öryggisenda deildarinnar og í gær kom svo einnig stórt sjónvarp fyrir öryggisstofuna.

Undanfarið hafa umfangsmiklar breytingar verið gerðar á legudeildinni með það að markmiði að bæta aðstöðu bæði sjúklinga og starfsfólks. Með tilkomu húsgagnanna frá Hollvinum má segja að umbæturnar hafi náð enn lengra.

MYND FV.: Konráð Gylfason, framkvæmdastjóri rekstrar og klínískrar stoðþjónustu, Inga Margrét Árnadóttir, meðstjórnandi Hollvina, Jóhann Rúnar Sigurðsson, varaformaður Hollvina, Hildigunnur Svavarsdóttir, forstjóri SAk, Hermann Haraldsson, gjaldkeri Hollvina, Bjarni Jónasson, meðstjórnandi Hollvina, Jóhannes G. Bjarnason, formaður Hollvina, Bernard Hendrik Gerritsma, deildarstjóri geðdeildar og Valborg Lúðvíksdóttir, aðstoðardeildarstjóri geðdeildar.

Myndina tók Skapti Hallgrímsson.

Vel heppnaður Dagur sjúkrahússins á Glerártorgi

Mon, 16 Dec 2024 11:36:34 GMT

Dúkku- og bangsaspítali heillaði unga gesti.

Mikil stemming ríkti á Glerártorgi á laugardaginn þegar Hollvinir Sjúkrahússins á Akureyri héldu sinn árlega Dag sjúkrahússins. Fjöldi fólks lagði leið sína á viðburðinn þar sem boðið var upp á heilsufarsmælingar og félagar í stjórn Hollvina skráðu nýja meðlimi í samtökin.

Einn vinsælasti viðkomustaðurinn var dúkku- og bangsaspítalinn þar sem börn fengu að koma með dúkkur og bangsa í skoðun. Í nokkrum tilfellum þurfti að sauma bangsa eftir nákvæma skoðun. Aðrir fengu plástra eða umbúðir fyrir tuskudýrin sín.

„Það er varla hægt að hugsa sér jól án þess að við Hollvinir stöndum vaktina á Glerártorgi,“ sagði Jóhannes G. Bjarnason, formaður Hollvina. „Á þessu ári höfum við náð að gera mikið gagn fyrir sjúkrahúsið með framlögum okkar. Meðal annars höfum við gefið hitakassa, þvottavélar fyrir speglunardeild, öndunarmælingatæki og tvær glænýjar speglunarstæður.“

Hann bætti við að á næsta ári muni samtökin ekki slá slöku við og halda ótrauð áfram söfnun fyrir tækjum og búnaði. Á nýrri heimasíðu samtakanna er hægt að skrá sig sem félaga eða styrkja samtökin með peningagjöf - sjá hér.

Ragnheiður Halldórsdóttir, framkvæmdastjóri lækninga SAk stóð einnig vaktina með stjórn Hollvina: „Hollvinir eru okkur ómetanlegir. Þeir styðja við starfsemi sjúkrahússins á svo margan hátt og hjálpa okkur að bæta þjónustu við sjúklinga.“

Dagur sjúkrahússins tókst afar vel og var góð þátttaka til marks um sterka tengingu samfélagsins við sjúkrahúsið og Hollvini.

Fleiri myndir má sjá á Facebook-síðu Hollvina hér.

Nýr hitakassi á barnadeild SAk

Mon, 16 Dec 2024 08:59:13 GMT

Hollvinir komu færandi hendi

Barnadeild Sjúkrahússins á Akureyri (SAk) hefur fengið nýjan og fullkominn hitakassa af gerðinni Babyleo frá Dräger. Kassinn leysir af hólmi eldri gerð sem komin var til ára sinna og ekki lengur hægt að fá varahluti í.

Nýi hitakassinn er bæði notendavænn og auðveldur í umgengni og mun nýtast afar vel á hágæslu nýbura á barnadeildinni. Á deildina leggjast inn veikir nýburar og fyrirburar sem fæddir eru eftir 34 vikna meðgöngu og eru hitakassar lykilbúnaður í meðferð þeirra.

Á ári hverju leggjast um 40-60 börn inn á hágæslu nýbura og þurfa þau nánast alltaf að fá fyrstu meðferð í hitakassa. Oftast er um að ræða innlögn strax eftir fæðingu eða á fyrstu dögum eftir hana.

Gjafmildi Hollvina hefur því tryggt barnadeildinni þennan nýja og mikilvæga búnað sem mun bæta aðbúnað nýburanna og stuðla að betri umönnun þeirra.

„Það er ekki amalegt að fá slíkar gjafir frá Hollvinum og við erum mjög þakklát,“ segir Aðalheiður Guðmundsdóttir, deildarstjóri barnadeildar.

Dagur sjúkrahússins á laugardag

kringla6@simnet.is (Bjarni Jónasson) — Tue, 10 Dec 2024 08:39:29 GMT

Dagur sjúkrahússins fer fram á Glerártorgi á laugardag 14. desember milli kl. 14 og 16. Starfsfólk SAk býður upp á mælingu á blóðþrýstingi, súrefnismettun og púlsi. Félagsmenn í hollvinasamtökunum kynna samtökin og skrá nýja félaga.

Þar að auki verður bangsa- og dúkkuskoðun í boði þar sem börnum býðst að koma með uppáhaldsleikfangið sitt í læknisskoðun.

Við hlökkum til að sjá ykkur sem flest.

Hollvinir SAk gefa öndunarmælingatæki

Fri, 29 Nov 2024 08:46:38 GMT

Tækið nýtist við greiningu, meðferð og eftirlit lungnasjúkdóma

Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki.

Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu.

Aukin þjónusta – færri ferðir suður í rannsóknir

„Með nýja tækinu getum við betur samræmt lungnarannsóknir á SAk við þær sem eru gerðar á Landspítala og bætt samstarf við sérfræðinga sem eru staðsettir þar. Með tilkomu tækisins getum við aukið þjónustu við einstaklinga á upptökusvæði SAk sem annars þyrftu að fara suður í rannsóknir. Lungnasérfræðingar sem eru staðsettir í Reykjavík geta nú fengið rannsóknir gerðar hér en það gefur jafnvel möguleika á auknu fjareftirliti þegar það hentar“ segir Jónína Þuríður Jóhannsdóttir, yfirlífeindafræðingur á rannsóknarstofu í lífeðlisfræði á SAk.

Á myndinni frá vinstri: Telma Hrund Davíðsdóttir, sjúkraliði, Gunnar Þór Gunnarsson, yfirlæknir, Jóhannes G. Bjarnason, formaður Hollvina, Hermann Haraldsson, gjaldkeri Hollvina, Jónína Þuríður Jóhannsdóttir, yfirlífendafræðingur á rannsóknarstofu í lífeðlisfræði á SAk, Jóhann Rúnar Sigurðsson, varaformaður Hollvina og Birna Björgvinsdóttir, líftæknir á rannsóknarstofu í lífeðlisfræði á SAk.

Myndina tók Skapti Hallgrímsson.

Ný vefsíða Hollvina Sjúkrahússins á Akureyri komin í loftið

Tue, 12 Nov 2024 10:01:29 GMT

Á dögunum fór ný vefsíða Hollvina SAk í loftið í boði Stefnu hugbúnaðarhúss.

Vefsíðan er einföld í notkun og þar birtast fréttir af því góða starfi sem Hollvinir vinna með því að styrkja og styðja við sjúkrahúsið. Ennfremur er þar hægt að gerast Hollvinur með einföldum hætti og panta minningarkort til styrktar samtökunum. Með nýju vefsíðunni vonast stjórnin til að ná til fleiri félagsmanna og efla starfsemina enn frekar.

„Nú í aðdraganda jóla förum við á fullt í að safna fleiri félagsmönnum og þá er gott að eiga þægilega að aðgengilega vefsíðu í farteskinu þar sem auðvelt er að skrá sig í samtökin,“ segir Jóhannes Bjarnason formaður Hollvina.

Vefsíðan er ætluð sem vettvangur til að miðla upplýsingum og auðvelda áhugasömum að taka virkan þátt í starfinu. Það er von stjórnarinnar að nýja vefsíðan muni bæta samskiptin við núverandi og tilvonandi félagsmenn, og gera fólki auðveldara að sýna stuðning í verki.

Áhugasamir geta nú þegar skráð sig í samtökin með því að smella hér.

Gefa tvær þvottavélar á speglunardeild SAk

Fri, 04 Oct 2024 22:58:39 GMT

Hollvinir Sjúkrahússins á Akureyri komu á dögunum færandi hendi með nýjar speglunarstæður á skurðstofur stofnunarinnar, eins og Akureyri.net greindi frá í síðustu viku. Þeir létu ekki þar við sitja heldur færðu speglunardeild einnig tvær nýjar þvottavélar. Þær taka við hlutverki eldri véla sem komnar voru til ára sinna og farnar að bila ítrekað.

Starfsmenn segja mikilvægt að geta haldið úti ristil- og magaspeglunum með almennilegum þvottavélum fyrir tækin.

Á efri myndinni eru, frá vinstri, Jóhann Rúnar Sigurðsson, varaformaður stjórnar Hollvina, Kristín Sigfúsdóttir, ritari, Jóhannes Gunnar Bjarnason, formaður, Dagbjört Jóhannesdóttir, aðstoðarmaður á göngudeild lyflækninga og Þórdís Rósa Sigurðardóttir deildarstjóri þar á bæ.

Myndatakan mátti ekki tefja vinnandi fólk! Elva Sigurðardóttir, hjúkrunarfræðingur, nær í nýþvegin tæki í þvottavélina góðuna á meðan fulltrúar Hollvina og SAk setja sig í stellingar.

Besta mögulega tækni á skurðstofum SAk

Mon, 23 Sep 2024 22:56:39 GMT

Hollvinir Sjúkrahússins á Akureyri færðu í dag skurðstofum stofnunarinnar formlega tvær glænýjar speglunarstæður sem taka við af þeim sem komnar voru til ára sinna.

Speglunarstæður eru notaðar til að gera ýmiskonar aðgerðir þar sem hægt er að komast af með litla skurði. Þessar nýju veita bestu mögulegu tækni til að meðhöndla vandamál við góðar og öruggar vinnuaðstæður sem tryggja enn betur öryggi skjólstæðinga, skv. upplýsingum frá stofnuninni.

Myndavél er stungið inn í líkamshol ásamt áhöldum. Sem dæmi um slík inngrip eru aðgerðir í kviðarholi, á gallblöðru, botnlanga, kvenlíffærum, ristli og smágirni, en einnig liðspeglanir, legholsspeglanir, maga- og ristilspeglanir, blöðruspeglanir og aðgerðir á nýrnasteinum.

Speglunarsamstæðurnar sem um ræðir kostuðu 28 milljónir króna.

Hollvinir hafa gefið fyrir 65 milljónir á sléttu ári

Sat, 01 Jun 2024 22:53:36 GMT

This is a subtitle for your new post

Your pregnant body goes through a lot of changes in a short period of time. Physiotherapy can help you with a thorough assessment of your posture, pelvis, pelvic floor and abdominals, and give you pointers on how to get feel like yourself again.

Hollvinir gáfu hryggsjá

Tue, 16 Jan 2024 12:14:47 GMT

Tækið tekið í notkun um áramót

Svonefnd hryggsjá, eins konar leiðsögutæki fyrir stórar aðgerðir á hryggsúlunni, var formlega afhent í júní byrjun. Tækið var tekið í notkun um áramótin. „Tækið kostar um 40 milljónir króna og er stærsta einstaka verkefnið sem hollvinasamtökin hafa ráðist í til þessa,“ segir Jóhannes Gunnar Bjarnason, formaður samtakanna. Tekist hafi að fjármagna kaupin að fullu með söfnunarfé.

Dagur sjúkrahússins 2023

Tue, 28 Nov 2023 13:22:20 GMT

Dagur sjúkrahússins var haldinn að venju á Glerártorgi, að þessu sinni laugardaginn 25. nóvember.

Hér má sjá svipmyndir frá deginum.

Hollvinir SAk halda garðveislu í Lystigarðinum

Fri, 16 Jun 2023 12:18:46 GMT

Hollvinir fagna 10 ára afmæli

Hollvinasamtök Sjúkrahússins á Akureyri (SAk) fagna 10 ára afmæli sínu á þessu ári. Af því tilefni blása Hollvinir SAk til garðveislu í Lystigarðinum á Akureyri fimmtudaginn 23. júní frá kl. 16 til 18. „Við ætlum að eiga ánægjulega stund með sem flestum Hollvinum SAk og öðrum sem vilja koma og gleðjast með okkur,“ segir Hermann Haraldsson, stjórnarmaður í samtökunum.

Dagur sjúkrahússins 2022

Tue, 20 Dec 2022 10:25:02 GMT

Eftir tveggja ára hlé vegna Covid faraldursins var dagur sjúkrahússins haldinn á ný með hefðbundnum hætti á Glerártorgi í desember og tókst vel.

Margar gjafir á árinu

Wed, 16 Nov 2022 10:19:46 GMT

Ómtæki á fæðingadeild
Lífsmarkamælar ásamt fylgibúnaði á bráðalegudeildir
Blöðruskannar fyrir Heimahlynningu
Vökvadælur og meðferðarstólar á almennu göngudeildina

Hollvinir gefa ný sjúkrarúm og sjónvörp á Kristnes

Wed, 14 Sep 2022 10:16:39 GMT

Ákveðið var að kaupa 23 rafdrifin sjúkrarúm fyrir Kristnesspítala og verða þau formlega afhent fyrrihluta næsta árs. Þá voru gefin upphengisjónvörp í sjúkrastofur og í dagstofur og fundarherbergi.

Söfnun fyrir hryggsjá hafin

Thu, 14 Apr 2022 10:23:07 GMT

Byrjað var að safna fyrir hryggsjá sem er eins konar leiðsögutæki fyrir stórar aðgerðir á hryggsúlunni. Hún mun nýtast við skurðaðgerðir sjúklinga með hryggjarvanda sem ella þarf að senda erlendis.

Covid árið 2021

Wed, 22 Dec 2021 10:27:52 GMT

Árið litaðist nokkuð af Covid faraldrinum eins og árið áður þegar kom að formlegri afhendingu tækja og búnaðar. En hollvinir unnu eftir sem áður að markmiðum sínum.

Gjafir á árinu voru:

Sérhæfð "barnaborð" fyrir barnadeild, skurðstofur og fæðingadeild
Líkamskælivél með fylgihlutum fyrir Gjörgæslu
Sjónvörp og fjarfundarbúnaður fyrir Kristnesspítala
Heimilistæki fyrir íbúð Heimahlynningar

Þegar um hægðist er leið á árið var tækifærið notað til afhendingar gjafa.

Dagur sjúkrahússins sem haldinn hefur verið á Glerártorgi frá árinu 2014 féll niður vegna Covid faraldursins.

Covid árið 2020

Wed, 16 Dec 2020 10:33:48 GMT

Árið litaðist af Covid faraldrinum þegar kom að formlegri afhendingu tækja og búnaðar. En Hollvinir unnu eftir sem áður að markmiðum sínum.

Gjafir á árinu voru:

Ómtæki á fæðingadeild
14 sjúkrarúm á fæðingadeild
Ferðaöndunarvél fyrir sjúkraflug
Hágæslurúm á gjörgæslu
Hóstavél, og úðavélar á gjörgæslu
Lasertæki fyrir æðahnútaaðgerðir og æðaskurðverkfæri
Speglunartæki fyrir öndunarfæri
Sjúkrarúm á blóðskilun
Hjartalínuritstæki á rannsóknarstofu í lífeðlisfræði
Önnur smærri tæki

Dagur sjúkrahússins sem haldinn hefur verið á Glerártorgi frá árinu 2014 féll niður vegna Covid faraldursins.

Aðrar gjafir á árinu 2019

Tue, 31 Dec 2019 10:40:31 GMT

Skurðstofuborð, æðasjá, ómhaus, dælur fyrir loftbrjóst, blóðmælir, áfengismælir og önnur smærri tæki.

Kaffivélar á skurðstofu, svæfingu og á vörulager. Á myndinn er Hermann Haraldsson einn stjórnarmanna ásamt hjúkrunarfræðingum á skurðstofu og svæfingu.

Dagur sjúkrahússins 2019

Wed, 18 Dec 2019 10:43:00 GMT

Dagur sjúkrahússins var haldinn með hefðbundnum hætti á Glerártorgi í desember og tókst vel.

Hollvinir gefa lasertæki fyrir þvagfæraaðgerðir

Thu, 11 Jul 2019 10:38:40 GMT

Stjórnarmenn Hollvinasamtaka SAk komu færandi hendi í gær og afhentu sjúkrahúsinu lasertæki til að leysa upp þvagrásarsteina og gallsteina. Tækið sparar um 70 ferðir sjúklinga á ári til Reykjavíkur. Á myndinni má sjá meðlimi stjórnar Hollvina ásamt framkvæmastjóra hjúkrunar, forstöðulækni skurðlækninga við afhendingu tækjanna.

Hollvinir gefa ljósgjafa og berkjuspeglunartæki

Tue, 22 Jan 2019 10:36:36 GMT

Tækin eru ljósgjafi sem notaður er við skurðagerðir í kviðar- og brjóstholi og einnig berkjuspeglunartæki sem notað er til rannsókna og við meðferð á sjúklingum með lungnasjúkdóma. Á myndinni má sjá meðlimi stjórnar Hollvina ásamt forstöðumönnum skurðstofu, skurðlækninga, svæfingu og gjörgæslu við afhendingu tækjanna.